Uzinduzi wa Chanjo ya Kuzuia Saratani ya Mlango wa Shingo ya Kizazi na maadhimisho ya Siku ya Malaria Duniani

Posted on: April 25th, 2018

Mgeni Rasmi Mkuu wa Wilaya ya Karatu Mhe: Theresia  Mahongo akiwa katika uzinduzi wa Chanjo ya kuzuia Saratani ya shingo ya Mlango wa Kizazi na maadhimisho ya siku ya Malaria Duniani katika kituo cha Afya Karatu.Mkuu wa Wilaya amewahimiza Wasichana  wote waliozaliwa kuanzia Mwezi Januari hadi Disemba 2004 kujitokeza kwa wingi kupata chanjo hiyo. Vilevile amewatoa hofu wasikubali kupotoshwa kuhusu chanjo hiyo kwani chanjo ni kitu kizuri inatusaidia kujikinga na Maradhi.Sambamba na hilo leo tarehe 25/04/2018 ni siku ya Maadhimisho ya Malaria Duniani hivyo amewaasa Wananchi wote kujitokeza kupima Malaria kwani vipimo hivyo ni bure na wale ambao watapatikana na Malaria matibabu ni bure katika siku hii ya Maadhimisho ya Malaria.