WAFANYABIASHARA WADOGO WAPATA VITAMBULISHO

Posted on: December 22nd, 2018

Na Tegemeo Kastus

Zoezi la kugawia wafanyabishara wadogo vitambulisho vya biashara limefanyika leo katika uwanja wa Mazingira bora Karatu. Zoezi hilo limezinduliwa na Mkuu wa wilaya ya Karatu Mheshimiwa Theresia Mahongo.

Mheshimiwa Theresia amesema ukiwa na kitambulisho utafanya biashara bila kusumbuliwa, sisi Karatu hatupo nyuma zoezi hili liwe chachu kwa wafanyabiashara ambao hawajalipia ili wajitokeze kupata vitambulisho. Zoezi hili ni endelevu amesema mjasiriamali unaye pata kitambulisho unachangia taifa lako, Mheshimiwa Theresia Mahongo amesema Rais wa Jamhuri ya Muungano wa Tanzania Mheshimiwa John Pombe Magufuli anataka wafanyabiashara wadogo wakuwe. Mheshimiwa Theresia amesema anatambua biashara wanazofanya wafanya biashara wadogo, na amesema kuna watu wanabishara nzuri sana.

Mheshimiwa  Theresia ametumia fursa hiyo kuwaomba wananchi kuendelea kutunza amani, na amewatakia wananchi wa Karatu Kheri ya chrismas  na Mwaka mpya.

HABARI PICHA TUNAOMBA MUANGALIE GALLERY YETU