HALMASHAURI KUFANYA UKARABATI WA STANDI YA MABASI

Posted on: May 20th, 2019

Mkurugenzi mtendaji wa Halmashauri ya wilaya ya Karatu pamoja na watendaji wa Halmashauri wametembelea eneo la stand ya mabasi ya Karatu. Ziara hiyo ililenga kujionea hali ya  miundo mbinu  katika  stand ya mabasi ya Karatu.

Ndugu Waziri Mourice amesema stand ya mabasi ya Karatu haijajengwa kwa miundo mbinu mizuri. Amesema stand hiyo inamaeneo mengi maji yanatuama  na haina mitaro ya kupitishia maji. amesema Halmashauri ina mpango wa kukarabati  stand hiyo kwa mpango wa muda mfupi. Mpango huo wa muda mfupi ni kuweka moramu ili kuondoa maji kutuama, sambamba na kuweka mifereji kuelekeza maji ili yapite. Lakini pia kuhakikisha maji yanayovunwa kwa bati nayo yanaelekea kwenye mifereji ya kutoa maji, na kuondoa usumbufu wa matope kwa abiria.

Amesema Halmashauri ina mpango wa kuweka vibao vya magari vinavyolekeza maeneo ambayo magari yanaenda kwa utaratibu mzuri. Lakini kuna mpango wa muda mrefu ambao utaimarisha zaidi miundo mbinu ya stand ya mabasi. Lakini pia kuwezesha magari yote ya usafirishaji kufanya shughuli za usafirishaji katika eneo la stand tofauti na sasa, baadhi ya magari hayafanyi shughuli za usafirishaji abiria katika eneo la stand ya mabasi.

Mkurugenzi mtendaji Ndugu waziri Mourice na watendaji wakikagua miundo Mbinu ya stand ya mabasi Karatu