KARATU KUWA YA KIJANI

Posted on: February 5th, 2022

Mkuu wa wilaya ya Karatu Mhe. Dadi H. Kolimba amezindua Kampeni ya upandaji miti  katika shule ya msingi Simba Milima iliyoko kijiji cha Doffa  kata ya Qurus. Mkuu wa wilaya ameishukuru sana wakala wa misitu Tanzania(TFS) na wadau wengine waliojitoa kuhakikisha zoezi hilo linafanikiwa. Wilaya ya Karatu  mwaka huu inatarajia kupanda miti 2,000,000 ikiwa ni utekelezaji wa ilani ya chana cha Mapinduzi CCM.

Katika zoezi hilo jumla ya miti 1,000 ilipandwa ,amewataka  wananchi zoezi hilo kulifanya kuwa endelevu  ili kukabiliana na tabia Nchi. Pia amemuelekeza Mkurugenzi Mtendaji Wilaya ,Afisa misitu na Afisa Mazingira kuendeleza mkakati iliyokuwepo ya kuendeleza kutoa elimu ya upandaji miti kwa wananchi.

Zoezi la upandaji miti Mkuu wa Wilaya  alisema litakuwa likifanyika kila baada ya miezi mitatu lengo ni kuendeleza utunzaji wa mazingira.

Mkuu wa wilaya ameutaka uongozi wa kijiji cha Doffa kutenga njia maalum ya kupitishia mifugo na kupanda miti hasa kwenye makorongo ili kuzuia mmomonyoka wa aridhi.