MRADI WA MAABARA YA COMPUTA

Posted on: June 16th, 2021

Kiongozi wa mbio za mwenge wa uhuru Luteni Josephine Paul Mwambashi ametembelea mradi wa maabara ya computa katika shule ya sekondari ya Dr. Wilbroad Slaa. Luteni Mwambashi ametoa rai kwa wanafunzi kutumia vizuri elimu ya computa wanayopata kwa matumizi sahihi badala ya kujihusisha matumizi mabaya.

 Mradi wa maabara ya computa katika shule ya sekondari Dr. Wilbroad Slaa  umesaidia kuwaongezea wanafunzi  maarifa ya msingi ya kompyuta (Basic computer Knowledge). Nakuweza kusaidia ufundishaji wakati upungufu wa vitabu vya kiada na ziada  kwa waalimu na wanafunzi  kwa kuweza kutumia mfumo huru usiotegemea mtandao (Student Offline System Study - SOSS) unaowawezesha wanafunzi kujisomea na kupata nukuu za masomo.

Shule ya sekondari Dr. wilbroad Slaa mwaka huu 2021, imefanikiwa kusajili baadhi ya wanafunzi wa Kidato cha pili watakaofanya mtihani wa Taifa somo la kompyuta. Uendelevu wa mradi huu wa TEHAMA  katika Wilaya yetu ya Karatu ni kutekeleza kaulimbiu ya Mwenge wa Uhuru mwaka 2021 isemayo "TEHAMA ni msingi wa Taifa endelevu, itumie kwa usahihi na uwajibikaji".

Shule ya sekondari Dr. Wilbroad Slaa ilifanikiwa kupokea vifaa mbalimbali ambavyo ni  Kompyuta thelathini na nne, Projector moja, Router moja, Switch moja na Samani zenye thamani ya 21,660,000/= kutoka kwa wahisani wa Ubelgiji chini ya taasisi binafsi ya DORIZON DOENJA na  kubadilisha chumba cha darasa kuwa  maabara ya Kompyuta.

Mwanafunzi wa shule ya sekondari Dr. Wilbroad Slaa akimuonesha kiongozi wa mbio za mwenge ambaye hayupo pichani namna tehama inavyowarahisishia kupata nukuu mbalimbali za masomo