TAMASHA LA UTAMADUNI LA URITHI LIMETUKUMBUSHA UTAMADUNI WETU.

Posted on: October 15th, 2018

Tamasha la utamaduni la urithi limefanyika kwa siku tano mfululizo na jana ilikuwa siku ya mwisho kwa wilaya ya karatu. Karatu ndio wilaya pekee iliyopata nafasi ya kuandaa tamasha hilo.  Wahadzabe, Wadatoga, Wairaq na Wamasai walipata nafasi  ya kuonesha ngoma zao za asili, vyakula, mavazi na mapambo ya kitamaduni.

Wageni na Wazawa walivutiwa na ngoma za asili ambazo ziliwakumbusha historia yao ya zamani ya mababu zao namna ya kuishi, kutumia dawa za kienyeji, vyakula asili na vifaa walivyotumia katika shughuli zao za kazi.

Mheshimiwa Theresia Mahongo amewashukuru  wadau wa utalii wajasirimali, wageni  na wananchi kwa kufanikisha  tamasha hilo. Katika hotuba yake ya shukurani  amesema tamasha  la urithi limetukumbusha  kudhamini utamaduni wetu. Tamasha hili litakuwa likifanyika kila mwaka mwezi wa tisa.

Mheshimiwa Theresia amesema nilikuwa  naangalia ngoma ya asili ya wadatoga, mama mmoja akaniambia hao vijana unaowaona wa kiume hawawezi kucheza ngoma mpaka awe ameuwa mnyama. Ndipo  anaruhusiwa  kucheza na mkuki, tunawaita wapiganaji, Mheshimiwa Theresia akasema vijana wa sasa sijui kama wanafahamu kuhusu haya.

Mheshimiwa Theresia  akasema nimepata wasaha wa kualikwa kwenye chakula cha mchana na wadatoga  kama mlivyoona tumekula kwa pamoja. Ni familia ngapi  wanakula na watoto wao ? tumesahau  desturi ya kula pamoja.

Mheshimiwa Theresia  amesema kama mlivyoona pombe  ya kienyeji ya Wadatoga  walianza kuwapa wakina baba na baadae wakina mama wakafuata. Hizo ndio namna zetu za kuishi zamani. Sasa huu ulimwengu wa kuishi  na kununulia watoto wetu simu za kukwaruza ndio zinazosababisha mmonyoko wa maadili.