WAFANYAKAZI WA AFYA NGAIBARA KUHAMIA KWENYE NYUMBA YAO

Posted on: August 26th, 2020

NA TEGEMEO KASTUS

Mkuu wa wilaya ya Karatu Mh. Abbas Kayanda ameridhishwa na ujenzi wa nyumba ya mganga na Muuguzi iliyojengwa  katika  zahanati ya Ngaibara. Kabla ya ujenzi wa nyumba hiyo two in one wauguzi na daktari walikuwa wanaishi nje eneo ilipojengwa zahanati.

Hayo yamesemwa Mh. Kayanda alipokuwa akielekeza juu ya uboreshaji wa huduma za afya katika zahanati hiyo. Amesema Mganga pamoja na wauguzi wanapaswa kuanza kutumia nyumba hiyo ili waweze kuhudumia wagonjwa pindi inapotokea dharura nje ya wakati wa kazi. Wakati huo huo Mh.Kayanda ameelekeza uwekaji wa Marumaru umalizike haraka ili huduma za afya ziendelee kama kawaida katika zahanati ya Ngaibara.

Mkuu wa wilaya ya Karatu Mh. Abbas Kayanda katika eneo la ujenzi wa maabara kituo cha afya Endabash

Mh. Kayanda ametembelea kituo cha afya Endabash na kujionea uwekaji wa jamvi unaoendelea kwa siku ya pili katika utekelezaji wa ilani ya chama cha mapinduzi unaolenga kuimarisha  miundo mbinu katika sekta ya afya. Ujenzi wa jengo la maabara ukikamilika utasaidia kuimarisha huduma za utoaji wa afya katika  kituo  cha afya Endabash.

Mh. Kayanda ametembelea mradi wa ujenzi wa madarasa mawili shule ya sekondari Qaru ambayo yapo katika hatua za uchimbaji wa msingi. Fedha za ujenzi wa madarasa hayo zimetolewa na EP4R, na Mpaka sasa ukusanyaji wa mawe na mchanga kwa ajili ya ujenzi wa msingi umefanyika. Ujenzi wa madarasa hayo unatarajiwa kufanyika ndani ya kipindi kisichozidi siku tisini( miezi mitatu)

Mkuu wa wilaya Mh. Abbas Kayanda katika eneo la ujenzi wa madarasa mawili shule ya sekondari Qaru.